Termokiss

Termokissi osht qendër shoqnore në Prishtinë, Kosovë, e hapun për aktivitete të llojllojshme jofitimprurëse e edukative; njëkohësisht eksperiment i fuqizimit të komunitetit e ndryshimit shoqëror. Përmrena këtij kaosi marramendës, vazhdimisht na shfaqen mundësi të reja, tu na leju mi sfidu kufijtë e asaj që konsiderohet e mundshme. Shumëçka që ndodhë në këtë hapësinë përcaktohet prej nevojave edhe aftësive të vullnetareve/ëve aktiv(e). Tu e ofru ni platformë për ndihmë reciproke e edukim joformal, Termokissi i sfidon strukturat tradicionale të pushtetit edhe promovon praktika gjithëpërfshirëse e pjesëmarrëse. Rrugëtimi i Termokissit nuk ka qenë i lehtë, po ndjenja e komunitetit vazhdon me gjallnu. Të bashkumë rreth ni vizioni të ni bote ku hapsinat e drejtume prej komunitetit jon normë, ku njerëzit jon t’lirë mi shty përpara idetë e tyne, me thy barriera, e me sfidu pabarazinë, po marrim pjesë në krijimin e ni kulture të bashkëpunimit e mësimit të përhershëm.